На покана г-ѓа Ружица Биџовска директорка на градинката 13 Ноември од Скопје по повод одбележувањето на патрониот празник, претседателот на Институтот Данте Алигиери проф. Ладислав Цветковски ја посети градинката. Во рамките на прославата тој оствари средба со градоначалникот на Општина Центар г-дин Герасимовски, директорката г-ѓа Ружица Биџовска и со дел од вработените на градинката.

На средбата со градоначалникот г-дин Горан Герасимовски беше потврдена досегашна успешната соработка меѓу Општина Центар и Институтот Данте Алигиери од Скопје и констатирана можност за проширување на идната соработка. Проф. Цветковски ја искористи оваа прилика да и се заблагодари на директорката г-ѓа Биџовска за дадената можност да се изучува италијанскиот јазик во оваа наша истакната воспитно-образовна институција за деца од предучилишна возраст.