Недела на италијанската книга е манифестација организирана од Институтот „Данте Алигиери“ во соработка со Амбасадата на Република Италија, Универзитетот „Св. Кирил и Методиј“ – Скопје и неколку книжарници во Македонија.

Од 13.11 – 18.11.2017 г. читателите ќе имаат можност да купуваат книги од италијански автори кои ќе бидат на попуст во книжарниците на издавачите Култура, Просветно дело,Три, Или-Или, Магор, Антолог, Сигмапрес, Литература.мк, Арс Студио, Икона и Матица.

Во рамките на оваа манифестација, која е дел од XVII недела на италијанскиот јазик во светот, ќе се одржат две книжевни средби со еден од најголемите италијански автори, Клаудио Магрис. Првото предавање на тема Книжевност, граници, идентитет ќе се одржи на 16 ноември 2017 во 19 ч. во Малата сала на Македонската филхармонија. Второто предавање на тема Како се раѓа книгатa? Размисла, план, писмо ќе се одржи на 17 ноември 2017 г., во 11 ч. во Салата за седници на Филолошкиот факултет „Блаже Конески“ – Скопје. За првото предавање ќе има симултан превод.