Светот на италијански јазик

Институтот Данте Алигиери во Скопје е еден од комитетите на Друштвото Данте Алигиери во Рим, формиран на 24 март 1999 година, со цел да се промовира италијанскиот јазик и култура во Македонија.

Институтот ти ја нуди можноста да го научиш италијанскиот јазик на еден од курсевите ( стандерден, интензивен, индивидуален ). Уписите се во тек и ќе бидат отворени до 30.01.2015.

Зошто да го одбереш Данте?

Како наш слушател добиваш бесплатно членство во нашиот Институт и можеш бесплатно да учествуваш на активностите поврзани со италијанската култура : разговорни средби, киноклуб, летни курсеви во Италија, работилници и културни настани. Исто така можеш да ја користиш бесплатно и библиотеката која располага со над 2.000 наслови кои можат да се изнајмат секој работен ден од 11 до 13 часот.

Разговорните средби се одржуваат два пати месечно и ги водат модератори од Италија, нативни говорители на италијанскиот јазик, со учество и на бројни членови на Инстутот. Целта на средбите е да се поттикнат слушателите да го практикуваат италијанскиот јазик преку размена на идеи, мислења и искуства на различни теми од италијанската култура. Средбите даваат единствена можност практично да се користи италијанскиот јазик, да се запознаат вљубеници во италијанскиот јазик и култура и да се научат многу нови работи преку забава.

Киноклубот организира проекции на италијански филмови ( класици и модерни ), два пати месечно, проследени со дебата во врска со темата на филмот, во зависност од љубопитноста на слушателите.

Сите активности, како и курсевите, се одржуваат во седиштето на Данте на плоштад Македонија, Ристиќева палата.