Уште една успешна година и успешно завршен почетен курс по италијански јазик зa децата од градинката 13 Ноември во Скопје. Курсот, за првпат во нашата држава започна да се реализира во оваа градинка и тоа во годината кога се одбележуваше 30 годишнината од билатералната соработка помеѓу РС Македонија и Р Италија, во рамки на проектот „Нови контексти за италијанскиот јазик во РС Македонија“. Курсот како дел од овој проект се реализира од страна на Институтот Данте Алигиери – Скопје, а самиот проект е подржан и финансиран од Здружението Данте Алигиери од Рим.
Како завршница за децата, нашите идни првачиња кои го посетуваа курсот, им беа доделени сертификати и подароци.