Во основните училишта “Кочо Рацин” и “Јохан Хајнрих Песталоци” во општина Центар, и “Христијан Тодоровски Карпош“ и “Димо Хаџи Димов“ во општина Карпош, на учениците од IV и V одделение им беа доделени дипломите за успешно завршениот курс по италијански јазик од 50 часа.

Заедничкиот проект “Италијанскиот јазик во основните училишта“ на Институтот Данте Алигиери со поддршка на Италијанската амбасада во Скопје, односно Министерството за надворешни работи на Италија, се реализираше во периодот од ноември 2016 до јуни 2017 на взаемно задоволство на учениците и наставниците. На нашите најмали ученици, им посакуваме убав летен одмор и се гледаме во септември!