Società Dante Alighieri

Comitato di Skopje

Продолжува соработката меѓу Асоцијацијата Данте Алигиери и Фондацијата Марија и Гофредо Белончи, организатор на престижната награда Strega, наменета за италијанските прозни автори кои објавиле свои дела во последната тековна година.
Асоцијацијата Данте Алигиери е дел од жирито кое одлучува за победникот-освојувач на оваа награда од 2009 година но од 2014 година, во рамките на проектот “La Dante al Premio Strega“ оваа Асоцијација формира жири и од редовите на своите комитети во странство. Годинава учестуваа комитетите од Кнежевството Монако, од Скопје и од Ростов на Дон, заедно со активните членови – читатели од комитетите од Тунис, Малага и Рим.

Институтот Данте Алигиери од Скопје ја имаше единствената можност и оваа година да биде избран да учествува во проектот “La Dante al premio Strega” (Данте на наградата Стрега). Проектот предвидува гласовите во име на Асоцијацијата Данте Алигиери да бидат засновани на гласовите изнесени од горенавдените комитети. Според правилникот, секој од овие комитети треба да ги произнесе гласовите на комисија од најмногу 20тина учесници. Институтот со огромно задоволоство и чест ја прифати оваа можност за чија цел формираше комисија од 14 учесници кои во краток период ги прочитаа 12те романи номинирани за наградата Стрега. Впечатоците и оценките за романите учесниците ги разменија на Стрега средбата одржана на 31.05.2016. Гласот за најдобриот роман потоа, секој член од комисијата анонимно го изнесува преку соодветна електронска процедура, најдоцна до 05 јуни. Првото гласање со кое се избираат 5 финалисти ќе се одржи на 15 јуни додека пак, второто гласање и прогласување на победникот ќе се одржат на 08 јули во Parco della Musica di Roma.
Наградата Стрега е основана во Рим во 1947 и оттогаш се доделува секоја година за прозни дела објавени во периодот меѓу 01 април од претходната и 31 март од тековната година.

www.fondazionebellonci.it
www.premiostrega.it
www.ladante.mk