Новиот Центар за италијански јазик, сместен на Плоштад Македонија во Ристиќева палата 3 кат, од 15 ноември 2013 започна со своите наставни активности во новото специјализирано седиште. Курсевите, организирани според Европската референтна рамка за јазици, се изведени од висококвалификувани професори професионално обучени за работа со различни возрасти и степени. Центарот нуди различни курсеви за возрасни, деца и млади.
Центарот изведува курсеви по италијански јазик и надвор од своето седиште, како на пример во Министерството за надворешни работи на РМ, кадешто се во тек почетни и продолжителни курсеви за вработените во Министерството.
Благодарение на соработката со Италијанската Амбасада во Скопје, како и на поддршката од Италијанското министерство за надворешни работи, Центарот за италијански јазик на Институтот Данте Алигиери ги дели своите простории со Италијанскиот Институт за надворешна трговија (ICE), овозможувајќи на тој начин понепосреден контакт помеѓу економските и јазично-културните аспекти на Италија и Македонија. Сето тоа му овозможува на Центарот проширување на своите активности, како и нивна поголема достапност до нашите членови и слушатели.
Контакт:
Плоштад Македонија, Ристиќева палата (3 кат)
Моб. 075 941 276
Е-mail: ladante.skopje@gmail.com